Пулав хияллайн бувккун къаличIаншиврул

Гьашину республикалул хъузалтран аьркинну бур ппиринж лакьин 18 азаллий 707 гектарданийсса. Ппиринж лакьай­сса комбайннал щаллушиву дур дурагу 40 процентрал. Технологиялийну ппиринж лакьиншиврул аьркинну бур цинявппа 280 комбайн, амма бур бувагу 111, заллухърунналссагу хIисавну.


ХIасан Аьдилов
ДР-лул Шяраваллил хозяйствалул министерствалул пишакартурал бувсмунийн бувну, ппиринж лакьаву 20 гьантлун кIанай лахъи лагайсса дур 2,5-3 зурул мутталий, комбайнну кугьна шаву сававну. Республикалул хъузалтрал бакьин бувну бур зукъазисса циняв комбайнну, хIадур бувну бур ппиринж кьамурдавун буххинсса циняв машинартту. Комбайнну бучIан бувну бур цаймигу регионная.

Ттизаманнул 15 комбайна бучIан бувну бур Краснодардал ва Ростовуллал улкраяту, 3 комбайна бучIан бантIий бур Чачаннал Республикалиятугу.