Махъ-зуманив федерал властирдал ва республикалул хъуниминнал хIарачатрайну, цIусса школартту бакъассагу, мюрщултрансса багъругу буллай бур.
П. Рамазанова
[dropcap]О[/dropcap]ьрчIру баврил тагьар лябукку буну къулай шайхту, чIявусса районнал ва хаснува шагьрурдал садикирттай оьрчIансса кIанттурду биялну бакъар. Ва тагьарданува буккаву мурадрай, дукIу-гьашину унгу-унгуну зий бур цIусса кIанттурду хьун баврихагу. Ва шинал январь зуруй строительствалул ва ЖКХ-лул министерствалущал кьутIи цIакь дурну дур Лувмур Кяхулайрай 140 оьрчIансса садик буван. Мукунма бувну къуртал бувну бур МахIачкъалалив «Порт-Петровск» микрорайондалий 140 оьрчIансса садик.
Гьашину бувну къуртал бувантIий бур Буйнакскалий, Лениннул цIанийсса кIичIирттавусса садик — 140 оьрчIансса, мукунма 100 оьрчIансса садик бантIий бур Каспийскалий. Тикку Батирайл цIанийсса кIичIираву ялунчIиннин бувну къуртал бувантIий бур 280 оьрчIансса садик.
Гьашину республикалул инвестициялул программалул лагрулийгу буллай бур садикру, масалдаран, 60 оьрчIансса — ЦIунтIиял райондалийсса Хутрах шяраву. Вара программалул лагрулий УнцIукIуллал шяраву буллай бур спортзалгу.
