ЦIусса дуккаврил шин дайдишаврия цуксса ххарину бунугу, чIявусса нитти-буттахъан август зурул ахир кислуй гужсса къия дай чIунни.

Цалчинмур класс­равун оьрчI хIадур ув­сса Мариян АхIмадова янналух, рюкзакрах, цимурца аьркинмуних 25 азарда

къуруш ларгунни тIий бур.

[dropcap]Б[/dropcap]ур миннуяр ххину ягу чанну ларгунни тIиссагу. Масалдаран, байбихьулул классирттал оьрчIансса рюкзакру бур 5 азарда къурушранссагу, бур азаруннинссагу, дневникру бур 100 къурушранссагу, 300-400 къурушранссагу. Ручкарду, кьаланну азарва журалул бур.

Альбомру ва тетрадьругу: миннул багьригу жура- журасса бур, кьянкьа мужаллат думур тетрадь бур 50 къурушрая ливчуну.
Агьалинал пикрирду кIул буллалисса Аьрасатнал центрданул (ВЦИОМ) цIухху-бусу баврил исват бувну бур аьрасатнал 51 процент агьалинан оьрчIан школалийн аьркинмур ласун захIмат хъанай бушиву, арцу диял къахъанай.

Амма гьануми захIматшивуртту, инсантурал хьхьичIва пикри бувну, арцу салкьи къадаврицIун дархIуми дур. Бур оьрчIру школардайн хIадур буван буржру буван, кредитру ласлан багьунни тIиссагу.

[dropcap]У[/dropcap]чительтурал даврил хIакъи­равурив, 45 процент агьалинал дакI дарцIуну бусса бур уттисса учительтал, хьхьичIвами кунма, зий бакъашиврий. 72 процент цIувххуминнал, тIайлабацIу буну ЕГЭ дулуншиврул, оьрчIан репетитортал бугьан аьркиншиврий дакI дарцIуну бур.

ХIадур дурссар
П. Рамазановал