«Дагъусттаннан ххирану дарцIуссар цил элита авадан шаву», — увкунни Да­гъусттаннал БакIчи Владимир Васильевлул сентябрьданул 10-нний, нюжмардий цал шайсса батIаврий махъ лахълай.

Мунал тIимунийн бувну, законну лиян дуллалисса замана къурталссар, дагу-дацлай, цалла давурттугу щилтагъну дуллай бивкIминнан буссар закондалул ккаккан бувсса ца ххуллу – дарцумур зана даву.

«Уголов-процессуал кодексрай дуссар «зарал лахъаву» тIисса калима. Мукунсса сипталуцIун жу кабакьлакьиссару. Къааьркинссар, чIунгу харж дуллай, танмихIрая азад хьун­сса лурттурассаннунсса арцурду салкьи дуллан, мунийну зулла жаваблувшивугу кIу дуллан», — увкунни В. Васильевлул.

[dropcap]Р[/dropcap]еспубликалул БакIчинал бувсунни, хьхьичIва, закон­далуцIун бакъавкьуну, авадан хьусса ца­ппара инсантуран тIутIимур бувчIуну, цивппа рязи хьушиву гьарзат бакIрайн ласун. Мукунсса инсантуран кьукьай­сса танмихIгу куклу хьунтIишиву. «Амма танмихI куклу байссар, так цува инсан увкIун, мукIругу хьуну, дарцумургу зана дарча», — увкунни В. Васильевлул.

ХIадур бувссар
ХI. Аьдиловлул