Шанна мусил медаль

Сентябрьданул 21-23-нний Трнава тIисса Словакиянал шагьрулий хьуссар лачIун буккаврил дунияллул жагьилтурал первенство.

Муний да­гъусттанлувтурал ларсунни шанна мусил ва ца арцул медаль. Мусил медаллу ларсунни Хасавюртлиясса лачIунбуккулт АхIмад Идрисовлул (57 кило), АьппасхIажи МахIаммадовлул (61 кило) ва МахIачкъалалиясса МахIаммадхан МахIаммадовлул (97 кило).

Арцул медаль ларсунни Хасавюртлиясса Разамбаг Жамаловлул (70 кило).
Командарттавату Аьрасатнал цачIундур командалул бувгьунни 1-мур кIану. Аьрасатлувтурал цинярдагу ларсунни ххюра мусил, ца арцул ва ца чарвитул медаллу.

ХI. Аьдилов