ОьрчIан ххирасса байран

[dropcap]А[/dropcap]вгуст зурул 11-нний ЦIуминалийсса ЦIуссачIурттащиял школалий хьунни Физкультуралул кьинилун хас дурсса спортрал байран.

Имара Саидова
[dropcap]Ш[/dropcap]икку гьуртту хьунни ЦIу­ссалакрал райондалул шко­ларттал дуклаки оьрчIру ва директортал, шяраваллал бакI­читал, райондалул КIулшиву дулаврил управлениялул вакилтал, ДЮСШ-рал тренертал- преподавательтал, спорт ххирами ва цаймигу.
Аьдатравун багьсса куццуй, Аьрасатнал гимнагу щаллу бувну, ттугъгу гьаз бувну, спортрал бяст-ччаллу байбихьлахьисса ихтилат бунни ЦIуссалакрал райондалул бакIчинал хъиривчу ХIажи ХIажиевлул.

ОьрчIан дуккавриву ва спорт­раву хьхьичIуннайшивуртту чIа тIутIисса ихтилатру бунни ЦIуссачIурттащиял школалул директор Темирбулат Адамовлул, ЦIуссалакрал 1-мур ДЮСШ-рал директор Сергей Аьлимовлул ва бусравсса хъамаличу, Дагъусттаннал Путру гьаз даврил спортрал федерациялул президент Магеллан Сяидовлул.

Ва кьинисса байрандалул сий хъиннура гьаз дунни ЦIу­ссалакрал райондалул Культуралул къатлул зузалтралгу.
ХьхьичIунну зузисса физкультуралул учительтуран буллунни дипломру, кубокру ва дакIний личIансса бахшишру. ЦIуссалакрал райондалийсса физкультуралул учительтурал дянив буссия баян бувну спорт­рал конкурс. Шикку цалчинсса кIантту бувгьунни ТIюхчардал школалул учитель ХIажи Бу­ттаевлул ва ЦIуссалакрал 1-мур школалул учитель Азамат Юсуповлул. КIилчинсса кIантту – ЦIуссачIурттащиял школалул учитель Аьлимирза Ибрагьимовлул ва Гьамиящиял 2-мур школалул учитель Муслим Жаб­раиловлул.
Шамилчинсса кIанттурду – Аьхъардал школалул учительтал Ися ХIусайновлул ва ХIамбулат ХIамбулатовлул.
Барча бавуртту къуртал дурну махъ, путру гьаз даврил гьунарду ккаккан бунни Сулайман Стальскийл цIанийсса райондалул дуклаки оьрчIал.
Хъирив личIи-личIисса спорт­рал бяст-ччаллаву гьуртту хьунни ЦIуссалакрал райондалул школарттал дуклаки оьрчIру.
ХьхьичIунсса кIанттурду бувгьусса оьрчIангу дуллунни медальлу ва дипломру.