[dropcap]А[/dropcap]ьрасатнал Федерал антимонопол службалул ашкара бунни Дагъусттаннал ххуллурдал строительсвалий закондалуцIун къабавкьуну, цащалла цалла кьутIирду дурну, арцу дацлай бивкIсса кIанттурду.
Имара Саидова
Зурул мутталий Аьрасатнал ФАС буссия Дагъусттаннал ххуллурдал строительствардайсса диял дакъашивурттал хъирив лаллай.
Аьрасатнал ФАС-рал каялувчинал хъиривчу Андрей Цариковскийл бувсунни ванияр хьхьичI медициналул идарарттайгу укунмасса ишру ашкара бувну бивкIшиву. Дагъусттаннал медициналул идарарттал 8 миллиард арцул бавцушиврий ккаккан бувну бухьурчан, утти ххуллурдал строительствардал, миннаяргу ялтту бувккун, 17 миллиард арцул цалалуш бувну бур тIий, — баян бунни ванал.
— Ва буниялагу хъуннасса давур республикалул гужирдал ва ихтияр дуруччай органнал цачIуну дурсса. Ттун бувчIин бан ччай бур вай инсантурал паракьатну, щинчIав хIисав къахьунну, жулла жипава арцу дацлай бивкIшиву. Цанни ца киса бавцусса инсан дуснакьирттаву щяитайсса? Миллиардру арцул бавцуминная тIурча аькIри дишаврийну гьашиву дайсса. На кIицI лавгсса идарарттал каялувчиталгу танмихIрайн кIункIу буван аьркинссар тIиссара, — увкунни Цариковскийл.
