[dropcap]М[/dropcap]ахIачкъалаллал школарттайсса гъинтнил лагерьдай кIилчинмур смена зий дайдирхьунни. Арулва лагерьданий 600 оьрчIал мюнпатну каникуллу гьан дувантIиссар. Миннан лахьхьин бувантIиссар, вацIлуву бусса чIумал, ягу муххал ххуллул чIарах нанийни цукун къуццу тIун аьркинссарив, цIу ларчIни, нигьачIисса иширахун багьни, цукун занакьулу хъанан аьркинссарив. ОьрчIру мукунма гьуртту хьунтIиссар спортрал мероприятиярттай, творчествалул мастер-классирттай, республикалул музейрдавун, театрдавун ва библиотекарттайн экскурсиярду бувантIиссар.
П. Рамазанова
[dropcap]О[/dropcap]ьрчIал мюхчаншиврулсса буллалиссар балугъравун къабивсса оьрчIалсса буллалисса комиссиялулгу. Гьар кьини му комиссиялул кIия зузала дежурствардай буссар лагерьдай ва, оьрчIру чун нарчагу, миннащал архIал буссар. Му бакъассагу, гьарца лагерьданий буссар медпунктгу.
[dropcap]М[/dropcap]ахIачкъалаллал КIулшиву дулаврил управлениялул хъунама ТIагьир Мансуров ивунни 8-мур лицейравусса «Дусшиву» тIисса лагерьданийн, оьрчIру бигьалаглагисса классирттавух увккунни, ххал бунни пищеблок, столовая, медициналул кабинет.
«Гьарцагу лагерьданул дуссар оьрчIал кIулшивуртту ва цIуллушиву цIакь даву мурадрайсса программа.
Лагерьданул агьаммур мурад оьрчIру так бигьалагаву бакъар, оьрчIавусса гьунарду ялун личин бувну, миннан цавувасса потенциал ккаккан буван кабакьавур, му мурадрай чIявусса мастер-классру хьуссар, личIи-личIисса касмурдал заллухъруннал цала бюхъу-гьунарду ккаккан бувссар, оьрчIавунгу гъира бутаншиврул», — увкунни ТI. Мансуровлул.
Ми лагерьду цирдагу украссар, шагьрулул цумур кIанай яхъанай ухьурчагу, регистрация дуну-дакъа, гьарцагу дуклаки оьрчIахь ихтияр дуссар ччимур шагьрулул лагерьданийн занансса. КIилчинмур смена къуртал шайхту, гьашинусса смена лакьлакьиссар шагьрулул школарттайсса лагерьдай.
