[dropcap]К[/dropcap]онституциялул кьини ПаччахI­лугърал наградартту дуллунни 40-нния ливчусса инсантуран. Лавайсса кьимат бивщунни кIулшивуртту дулаврил, культуралул, медициналул, спортрал ва цаймигу арардаву зузисса инсантуран.

Наградартту дуллуминнавух бия: художник Альберт Хаджаев, Дагъусттаннал ПаччахIлугърал ссихьрал театрданул каялувчи Аминат ЯхIияева, «Илчи» кказитрал корреспондент Имара Саидова.

---

Имара Саидова
— ХIакьину жува кIицI лаглай буру Дагъусттаннал халкьуннал оьр­мулуву ва бучIантIимуниву агьамсса кIану бугьлагьисса кьини. Конс­титуция хъанахъиссар законнал ва ихтиярду дуруччаврил гарантну. Цуксса хIайпнугу, махъсса зурдардий, ихтиярду дуруччай органнал даврил дурсса хIасиллайн бувну, исват хьунни закондалул хьхьичI цинявппа цашиву тасттикь буллалисса Конституциялул гьану хIура буклай бивкIшиву. Цинявннан хIисав хьухьунссар махъсса ппурттуву властьрал органну марцI дуккан дуллали­сса давуртту дачин дурну душиву. Амма жул мурад, низамрава був­к­ми танмихIрай буцаву бакъассагу, республикалийсса щалла тагьар даххана давур, — увкунни Владимир Васильевлул.

Дагъусттаннал БакIчинал мукунма бувсунни гьарца аралувусса кадрарду цIу буккан баврих хъуннасса къулагъас дуллай ушиву.
— ЦIанакул республика мюхтажну дур даврил опыт бусса итххявхсса пишакартурах. Кадрарду язи бугьлагьийнигу, цалчин хьхьичIун ласунтIиссар дагъусттанлувтал, — увкунни Владимир Васильевлул.
Аьдатравун багьсса куццуй, республикалул экономика, агьалинал багьу-бизулул даража гьаз буллалисса давурттаву хъунмасса захIмат бивхьусса дагъусттанлувтуран дуллунни ПаччахIлугърал наградартту.
Ва кьини цалчин барча буллалиминнавух дия аьпалул хьуну махъ Совет Союзрал Виричунал цIа дуллусса Батманов Зайнуттин Лукьмановичлул цIа.

— Аьрасатнан хъинну кIулссар Дагъусттаннал гьунар ххисса, кьянкьа-кьурчIисса цикссагу вир­ттал тарбия бувшиву. Цинявннан кIулссар Кьасумккантуллал райондалиясса вацIрал инспектор Батманов Зайнуттиннул дурсса къучагъшиву. РОВД-лул зузалт къачагътурал луркIандалухьхьун бириян къабувну тIий, Батманов оьрмулуцIа увссар. Ванаща бюхълай бивкIссар, полициялул зузалтгу къачагътура­хьхьун бириян бувну, цува ххассал хьун. Ва, буниялагу, ларайсса яхI-къирият дусса инсаннаща дакъа дан къашайсса къучагъшивур. Батмановлул дурсса виричушиврия Аьрасатнал Президент Владимир Путиннуйн баян байхту, мугьлат бакъа ванан Виричунал цIа дулун­сса хIукму бувссар.

— На пахрулий тапшур буллай ура Аьрасатнал Федерациялул Виричунал цIуку Зайнуттин Батмановлул кулпатрайн ва ванал арснайн, — увкунни Владимир Васильевлул.
Конституциялул кьини ПаччахI­лугърал наградартту дуллунни 40-нния ливчусса инсантуран. Ла­вай­сса кьимат бивщунни кIул­шивуртту дулаврил, культуралул, медициналул, спортрал ва цаймигу арардаву зузисса инсантуран.
Наградартту дуллуминнавух бия: художник Альберт Хаджаев, Дагъусттаннал ПаччахIлугърал ссихьрал театрданул каялувчи Аминат ЯхIияева, «Илчи» кказитрал корреспондент Имара Саидова.

«ДР-лул цIаний хьун дурсса лайкьшивурттахлу» тIисса орден дуллунни Альберт Хаджаевлун. Аминат ЯхIияеван дуллунни «Дусшиврул орден». Имара Саидован дуллунни «ДР-лул культуралул лайкь хьусса зузала» тIисса цIа.
Наградартту дуллалисса мажлисрай Дагъусттаннал бакIчинал личIинува кIицI лавгунни учительнал бигьа бакъасса пиша язи бувгьусса инсантал.