Вай гьантрай ГьунчIукьатIатусса Сулайманнул арс Дандамаев Морислун там хъанай дур оьрмулул 66 шин.
ДакIнийхтуну барча тIий ниттил увсса кьини, чIа тIий буру ххаллилсса лаккучунан цIуллушиву, талихI-тирхханну, дунияллул цинявппагу неъматру.Винма ххирасса кулпатрал, оьрчIал, гъан-маччаминнал, дустурал ххари уллай личIаннав чIярусса шиннардий. Вин тачIав ссалчIав буруккин къабагьаннав, вил къушлия барачат чан къахьуннав.
Вин хъиншивуртту чIа тIий, виха дуаьлийсса кулпат, оьрчIру, гъан-маччами
Ва зурул 10-нний Кьукуннал Аьбидинал арс Хизриев Асадуллагьлун там хъанай дур оьрмулул 44 шин.
Жула дус, чумартсса чув, виричу (ванал Гъумучиял бярав оькьлакьисса кIия оьрчI ххассал увссар) барча уллай, чIа тIий буру цIакьсса цIуллушиву, оьрмулуву талихI-тирхханну. Я Аллагь, ина винна ччисса дунияллий оьрмулул уччиннин итаннав.
Мукунма хъунмасса барчаллагь Асадуллагьлул ниттин, Зумрутлун, укунсса чув тарбия аврихлу.
