«Пишкаш бува ттун оьрму»

Дагъусттан Республикалий август зурул 6-нния 11-нний дияннин най дуссар «Пишкаш бува ттун оьрму» тIисса акция. Ва акция дуллай бур Кулпатрал кьинилун хасну.

Акциялул дайдихьу дунни МахIачкъалаллал 1-мур азарханалий.
Нюжмардул мутталий респуб­ликалул хъаннил консультациярттай ниттихъул хьун хIадур хъанахъисса душвавран акушертурал, гинекологтурал, психологтурал ва юристурал консультацияртту дуллантIиссар. Ни­ттихъул хьун хIадур хъанахъиминнахь буккинтIиссар хасъсса лекцияртту. Мукунма душвавран бувчIин бантIиссар оьрчIру баннин цукун хIадур хьун аьркинссарив ва оьрчIру бувну махъ миннаха дансса аякьалия.

Акциялул даврил ахир-хIа­силлу дантIиссар Сулайман Стальскийл цIанийсса бульварданий. Мукунма акция нанисса гьантрай бикIантIиссар уква вилттили оьрчIал цIуллу-сагъшиву ххал дуллалисса хIа­кинтуращалсса машинарттугу.

ХIадур бувссар
Имара Саидовал