Луиза Шагьдилова Щарав концертрай шяраваллил оьрчIащал. Ванил чIарав гьашину «Щаращи» конкурсрай
цалчинмур кIану бувгьусса Мариджан Ибрагьимова
[dropcap]А[/dropcap]панни Къапиевлул цIанийсса Лакрал музыкалул ва драмалул театрданул артистал, кIибавчIуну, лавгунни Лакрал ва Ккуллал районнайн гастроллай.
З. Тахакьаева
[dropcap]К[/dropcap]куллал райондалий Хъусращиял, ЧIяйннал, Вихьуллал, ЦIуйшиял ва Хъювхъиял шяраваллаву бивхьунни Казбек Мазаевлул пьесалийну музыкалул къямадия «Гъази-Гъумучиял серенада».
Шиккува кIицI бан, Хъусращиял шяраву жяматран спектакль ккаккан бунни уква, шяраваллил Магьирлугърал къатлучIасса халкьуннал театрданул режиссер Марсель Сулаймановлул билетру лавсун.
Лакрал райондалий ГьунчIукьатIрал, ЧIарттал, КIундиннал, Хъурхърал ва Щардал шяраваллаву ккаккан дурунни «Чагъанттул чIурду» тIисса концертрал программа.
Вара нюжмардий, ДР-лул Культуралул министерствалул проектрайн бувну, Лакрал театрданул артистурал Буйнакскаллал райондалул Аркас тIисса шяравусса «Костер» тIисса оьрчIал лагерьданий ккаккан бунни Апанни Къапиевлул аьрали чичрурду гьануну лавсъсса спектакль.
[dropcap]С[/dropcap]пектакль байбишин хьхьичI театрданул директор МахIаммад ХIусайновлул оьрчIахь бувсунни Апанни Къапиевлул оьрмулия ва творчествалия. ОьрчIал хъинну ххуйну кьамул бунни спектакль. Му къуртал хьуну махъ хъамакъабитулун артистуращал суратругу рирщунни.
