Лайкьсса буттал лайкьсса арс

[dropcap]И[/dropcap]юнь зурул 28-нний Къазаннал Приволжуллал федерал университетраву лавай­сса даражалий дурурччунни физикалул ва математикалул элмурдал кандидатнал диссертация, ЦIуликъяннал шяравасса КьурбанмахIаммадлул арс Арслан КьурбанмахIаммадовлул. Диссертациялул каялувчи ур СССР-нул Министртурал советрал премиялул лауреат, физикалул ва математикалул элмурдал доктор, профессор Кулиев Валех ЖахIпарович.


[dropcap]А[/dropcap]рслан КьурбанмахIам­ма­довлул диссертациялун лавайсса кьимат бивщуну бур М.В. Ломоносовлул цIанийсса МГУ-лул профессор, физикалул ва математикалул элмурдал доктор Александр Звягиннул ва физикалул ва математикалул элмурдал кандидат Дмитрий Бережнойл.

Букъавсун къабучIир Арслан Системнайсса технологиярттал институтрал ректор, техникалул элмурдал кандидат, профессор КьурбанмахIаммад Дин­махIаммадовичлул арс ушиву.
КIулшивуртту куртI дуллансса, элмурду ахттар дуллансса гъира-шавкь арснайн буттаяту дирхьун­ссар.

Барчагу уллай, чIа тIий буру Арсланнун цIуллу-цIакьшиву, талихI-тирхханну, тIайлабацIуртту. Хъиндайдихьу хьуннав, ванияргу бюхттулми шачIанттайн лавхъун ккакканнав!
Андриана Аьбдуллаева