Жяматирттал мурадру бартбигьаврил цIаний

Июльданул 10-нний Аьрасатнал ПрезидентначIасса ДР-лул Даимансса вакилханалий Дагъусттаннал БакIчинал кIанайма Владимир Васильев хьунаавкьунни ПаччахIлугърал Думалувусса Дагъусттаннаясса депутатътуращал ва Москавлив ва Москавуллал улклуй ишбажаранчиталну зузисса дагъусттанлувтуращал.

Хьунабакьаврий гьуртту хьунни мукунма ДР-лул экономикалул министр ХIусман ХIасбулатов ва вакилханалул каялувчи Изумруд МухIуттинова.
Владимир Васильевлул бувсунни республикалийсса политикалул ва экономикалул тагьардания, жяматирттал мурадру бартбигьин дуллалисса давурттая.
ХIусман ХIасбулатовлул бувсунни «100 школа» тIисса республикалул проектрая, депутатътурахь ва ишбажаранчитурахь тавакъю бунни му проект дузрайн дуккан дуван кумаг бан.
Хьунабакьаврийн бувкIсса дагъусттанлувтурал бувсунни хIадурну бушиву Дагъусттаннал каялувчитурал давурттацIун кабакьин.
ХIадур бувссар
ХI. Аьдиловлул