Аьрзалул хъирив бивзунни

Уттигъанну, МахIачкъалаллал ялапартуврал чивчусса аьрза ххал бигьиншиврул, Дагъусттаннал тIювалул инспекциялул (Госжилинспекция) зузалт бивунни Къурхъмасовлул кучалийсса къатравун.

[dropcap]М[/dropcap]и къатравусса инсантурал чивчуну бур къатраву кIирисса щин да­къар тIий. Тагьар ххал дигьин бувкIун бия инспекциялул каялувчинал хъиривчу МахIаммад Шяпиев, отделданул хъунама пишакар Нариман Лукьманов, каялувсса компаниялул ва щинал дузал байсса идаралул вакилтал.

ЧIярузивурду дусса къатравун щин духхайсса кIанай кIиришиву ляркъуну дур 53 градусрал дуну, му нормативрацIун даркьусса дакъар. Нормативрай щинал кIиришиву къатравун духхайсса кIанай дикIан аьркинсса дур 60 градусраяр къачансса ва 75 градусраяр лахъ дакъа­сса.

Аьрза ххал бигьаврил хIасиллайн бувну, «Махачкалатеплоэнерго» ОАО-рал хIакъираву чивчуну бур административ протокол. Мукунма ялунбихьу бувну бур, ашкара дур­сса диялдакъашивуртту духлаган давансса чIунгу кка­ккан дурну.

ХIадур бувссар
ХIасан Аьдиловлул