[dropcap]В[/dropcap]ай гьантрай Москавуллал ХIукуматрал къатраву хьунни «Халкьуннал дусшиву – Аьрасатнал цIакьшиву» тIисса цIанилусса Аьрасатнал халкьуннал конгресс. Дагъусттанная мунивух гьуртту хьунни ДР-лул национал политикалул министрнал буржру чIумуйну биттур буллалисса Татьяна Гамалей.
[dropcap]К[/dropcap]онгрессрал давривух гьуртту хьунни Аьрасатнал Президентнал Администрациялул каялувчинал хъиривчу МахIаммадссалам МахIаммадов, АНР-лул хIурматлувсса председатель Рамазан АьбдуллатIипов, Дагъусттаннал Жяматийсса палаталул председатель АьвдулхIаким Мачаев, мукунма билаятрал хъуншагьрулиясса ва регионнаясса чIявусса хъамал, чил билаятирттал вакилтал.
Конгрессрай Татьяна Гамалейл бувсунни Аьрасатнал регионнайсса личIи-личIисса диннал ва миллатирттал инсантурал дянивсса дахIаву, дусшиву цIакь давриву Дагъусттаннал вакилханардал дуллалисса даврия, бугьлагьисса кIанттуя.
Аьрасатнал Жяматийсса палаталул Миллатирттал ва диннал дянивсса арарду цIакь даврил комиссиялул председатель Иосиф Дискиннул увкунни:
— Аьрасатнал халкьуннал ассамблея граждан обществалул, сипта хIисаврай, сакин дурссар ванияр 20 шинал хьхьичI. Мунил мурадгу бивкIссар сепаратизмалул, национализмалул ва мукунна цаймигу арарду лиян дуллалисса асардал тагьардануща билаят мурахас баву. ХIакьину жунна чIалай дур му даврил хIасиллу.
Конгрессрал лагрулий хьунни семинарду, жагьилсса лидертурансса мастер-классру, дискуссиялул майданну, презентацияртту ва ккуркки столлу.
Конгрессрал хъин-ахирну хьунни цайнува цивппа хьусса коллективру гьурттусса яргсса концерт.
ХIадур бувссар
Бадрижамал Аьлиевал
