[dropcap]А[/dropcap]вгуст зуруй Кьилвалул Сахалиннай хьунтIисса «WorldSkills Russia» тIисса захIматрал пишардал Миллатирттал VI-мур чемпионатрай гьурттушинна дувансса цачIундур команда сакин дунни Дагъусттанная.
Имара Саидова
[dropcap]Ч[/dropcap]емпионатрай гьуртту хьунтIиссар кирпич бишаврил усттаршиврул номинациялий цалчинсса кIану бувгьусса АхIмад Раджабов, шяраваллил хозяйствалул машинартту зузи бавриву ххув хьусса Арслан Жанаев, CAD дизайн инженершиврул усттаршиву ккаккан дурсса Кьурбан Исяев, графикалулмур дизайндалул усттаршиву ккаккан дурсса Амирхан Мирзоев, куклусса машинартту бакьин бавриву – Саэд Жалаев, веб-дизайндалул пишакаршивруву – Виктор Осипов ва промышленный дизайндалуву – Камилла Папузова.
[dropcap]Ч[/dropcap]емпионат хьунтIиссар август зурул 8-нния 12-ннийн дияннин.
Гьуртту хьунтIий бур 800-нния ливчусса жагьилсса ва чIавасса пишакартал. Вайннал пишардал усттаршиврух буруган бучIантIий бур билаятрал региондалиясса 50 азарунния ливчусса инсантал ва хъамал.
Аьрасатнаву 2018 шинал захIматрал пишарду машгьур буллалисса чемпионат ряххилчинни хъанахъисса.
Ххув хьусса жагьилсса пишакартал кьамул бантIиссар «WorldSkills Russia» чемпионатрал миллатирттал цачIун дур командалувун. Миннавагу хьхьичIунми язи бугьантIиссар 2019 шинал Къазаннал шагьрулий хьунтIисса дунияллул халкьуннал даражалийсса «WorldSkills Kazan» чемпионатрай.
