[dropcap]М[/dropcap]оскавлив ЯтIул Майданнив хьусса «Красная Площадь» луттирдал фестивальданий вай гьантрай хьунни хIакин, чичу Мариян Ибрагьимовал 16 томрал презентация. Микку «Белый город» тIисса луттирду итабакьай идаралул хъунама Константин Чеченёвлул кIицI лавгунни ларгсса шинал Аьрасатнал луттирду итабакьай идарарттал ассоциациярттал конкурсрай Мариян Ибрагьимовал 16 том ккавккун бушиву хьхьичIунccа ххуттай.
Зулайхат Тахакьаева
[dropcap]П[/dropcap]резентациялий ихтилатру бувунни Лакрал райондалул администрациялул бакIчи Юсуп МахIаммадовлул, «Дагъусттаннал уздантал» тIисса жяматийсса ккурандалул хъунама Каримхан Умахановлул.
Марияннул арс Рустам Ибрагьимовлул барчаллагь увкунни презентациялийн бувкIцириннахь. Бувсунни ниттил оьрмулия ва творчествалия.
Муния махъ ккаккан дурунни Мариян Ибрагьимоваясса фильм, бувккунни мунил шеърирду.
Презентация дан кабакьу бувну бур Москавливсса Дагъусттан Республикалул вакилханалул.