[dropcap]И[/dropcap]юнь зурул 1-нний Ккуллал райондалий Ваччавсса майданнив дурунни ОьрчIру буруччаврил кьинилун хас дурсса шадлугъ. Микку гьуртту хъанай бия оьрчIал багъирдал оьрчIру, ххисса кIулшиву дулайсса Къатлувун заназими, оьрчIал нину-ппу.
ХIажимурад ХIусайнов
[dropcap]Ш[/dropcap]адлугърайн бавтIми барча бувна Ккуллал райондалул бакIчи Рамазанов Шамиллул. Ванал чIа куна оьрчIан тархъансса оьрму, нитти-буттахъул вайннал ххари буллалисса чIунну чIярусса хьуннав куну.
Шадлугърай оьрчIру барча бувна мукунма УО-лул каялувчи ХIаммакуева Альбинал, Жяматийсса палаталул председатель Маммаев Рамазаннул ва нитти-буттахъал.
ОьрчIал ккаккан бувна литературалул ва художествалул зумунусса композиция.
ЦIувкIуллал пагьламантурал маразрай ккаккан бувна цала гьунарду. Хьуна цаймигу номерду. ОьрчIал цанна ххуй дизайсса суратру дирхьуна мелданух асфальтрай.
Райондалийсса ятинтурачIан биян бувна райондалул бакIчинал чулухасса ссайгъатру.
