[dropcap]И[/dropcap]юньдалул 19-нний Дагъусттаннал БакIчинал кIанайма Владимир Васильевлул дунни ДР-лул Мюхчаншиврул советрал батIаву. Муний ххал бивгьунни аьрщи сукку шаврия нигьачIаву дусса кIанттурдайчIярузивурду дусса къатри дуллалаврицIун бавхIусса масъалартту ва му ххуллий законну дуруччаврил масъалартту.
[dropcap]В[/dropcap]ладимир Васильевлул бусаврийн бувну, ччянияцIа ва республикалий цанна ччи-ччикун дуллай бивкIун бур чIяру зивурду дусса къатри. Къатри дахьра дуллай байбишайни, муниципал сакиншиннардаща бюхълай бивкIссар, судрал хIукму хьуннинма, мукунсса объектру лекьан дуван.
МахIачкъалалив хъуни къатри дуллалаву – му ца чулуха бюхъу, бажар бушивур, гамур чулуха – хъунисса захIматшивурттур.
ДР-лул строительствалул ва ЖКХ-лул министр Малик Баглиевлул бусаврийн бувну, укунсса тагьар хьуссар АьФ-лул градостроительствалул законнал тIалавшиннарду барткъадигьлай тIий.
Ми законнайн бувну кIанттул цилакаялувшиврул ва властьрал паччахIлугърал органнал жаваб ласласиссар архитектуралул ва градостроительствалул давуртту аьркинсса даражалий барткъадигьлагьаврихлу. Бувсунни ххишала закондалуцIун дакъаркьуну къатри дуллалаврил хьхьичIалу кьукьлан аьркинну душиву.
Малик Баглиевлул пикрилий, цIуну сакин бувсса ДР-лул Архитектуралул ва градостроительствалул комитетрал аьркинссар пландалий дакъасса аттестация дуван муниципалитетирттал архитектортурал дянив.
БатIаврий ххал бивгьунни мукунма ДР-лул экономикалул ва дукиялул сурсатирттал чулухасса мюхчаншиву ларай дансса чараннугу.
