Гъинттул дуклаки оьрчIру каникуллайн бувксса чIумал, миннал хъуннасса чIун гьан дай кьатIув, тIабиаьтрай. Му оьрчIру нитти-буттал, учительтурал янилу бакъасса чIун дур.
Гъинттул хъуннасса жаваблувшиву дикIан багьлагьиссар нитти-буттай ва гъанминнай оьрчIру щиная, цIарая, токрая, ххуллурдая ва цаймигу апатIирттая буруччаврил ххуллий. Ци чаранну ккаккан аьркинссарив бувчIин буллалисса дарсру дихьлай буссар школарттай майрал 20-нния гихуннай. Мукунсса батIавуртту хьунни май зуруй. Ми батIавурттай нитти-буттахъащал гьурттушинна дунни полициялул, МЧС-рал, ГИБДД-лул зузалтрал.
Гъинтнил каникуллал чIумал оьрчIру цукун къуццу тIун аьркинссарив буслан аьркинссар кказитрайхчингу, интернетрайхчингу. ОьрчIахь мудан буслан аьркинссар нигьачIавурттая, миннува цукун буккан аьркинссарив. ОьрчIан кIулну дикIан аьркинссар ххуллурдайх бачайсса низам. Шагьрулийн лавгсса оьрчIан кIул акъасса инсаннащал жап тIун, ганал увкумур буллан къабучIиссар. КIул дакъасса дукрарду канан къабучIиссар. Вай ишру кулпатравугу, школалийгу буслан аьркинссар маслихIатрайну, гьарца кьини буллалисса ихтилатрайну.
Бигьа лаглагияра, оьрчIрув, зунма хайрну, нигьачIаву дакъа, ссуттихунмай школалийн сагъ-саламатну, цIуллушивугу цIакь дурну, зана хьуншиврул!
Юсуп ХIусайнов,
Ккуллал райондалул УО-лул пишакар
