Ца яла гъанми чIаххул

МахIачкъалалив Поэзиялул театрдануву хьунни Азирбижаннал шеърилугърал, музыкалул ва театрданул культуралул нюжмар.

Поэзиялул театрданул директор Елена Гьаруновал кIицI лавгунни Азирбижан бушиву жулла республикалул ца яла гъанми чIаххулну.

Культуралул нюжмардул лагрулий Азирбижаннал па­ччахIлугърал драмалул театрданул ккаккан бунни «Хидж­ран» цIанилусса комедия. Ва бур Азирбижаннал драматург Сабит Рахманнул пьесалийн бувну бивхьусса музыкалул комедия. МуницIунсса музыкалул щаллушиндаралсса бувну бур Дагъусттан Республикалул лайкь хьусса артистка Севда Бейбалаевал, музыка щаллу бувну бур Азирбижаннал театрданул Халкьуннал инструментирттал оркестрданул.

Ми гьантрай Д. Ашуровлул цIанийсса Дарбантуллал музы­калул училищалул кка­ккан дунни концерт, хьунни Дарбант шагьрулийсса «Гюлистан» цIанилусса литературалул сакиншиндарал гьурттучитуращалсса хьунабакьавурттугу, концертругу.
Асия КьурбанмахIаммадова