Дунияллул халкьуннал дянивсса экономикалул форумрай

[dropcap]Р[/dropcap]еспубликалул каялувчи Владимир Васильев бакIчисса Дагъусттаннал делегация гьуртту хьунни Петербургуллал дунияллул халкьуннал дянивсса 22-мур экономикалул форумрай.

Микку республикалул чулуха вакилталну бия жула региондалул экономикалул ва территориярттал лябу­ккулул министр ХIусман ХIасбулатов, ДР-лул Ишбажаранчишиврул ва инвестициярттал агентствалул каялувчи Башир МахIаммадов, ДР-лул БакIчинал кIанайманал маслихIатчи Галина Емельянова ва цаймигу.

Владимир Васильев гьуртту хьунни форумрал планер батIаврий. Муний махъ лавхъунни Аьрасатнал Президент Владимир Путиннул.
Хьунни цаппара мюнпатсса хьунабакьавуртту ва чирчуннихIала-гьурттуну зузаврил хIакъиравусса кьутIирду. «Объединенная авиастроительная корпорация» тIисса ПАО-лул президент Юрий Слегардущал ххал бивгьунни авиастроениялул бутIуву хIала-гьурттуну зузаврил хIакъиравусса масъалартту. Мукунна кьутIи чирчунни региондалул ва корпорациялул дянив уртакьну зунтIишиврул хIакъираву.

Дагъусттаннал делегация гьуртту хьуссар Аьрасатнал регионнайн инвестицияртту дучIан даврил тагьарданул Национал рейтинграл хIасиллал презентациялийгу.
Форумрай чирчуну дур цаппара цаймигу республикалун мюнпатрансса кьутIирду.

ХIадур бувссар
ХI. Аьдиловлул