Ттаттал душ МахIаммадова Зиражат
Уттигъанну, оьрмулул 79 шинаву, аьпалул хьунни ххаллилсса лакку хъамитайпа, КIулушацIрал шяравасса МахIаммадова Зиражат (Зина учайва ванийн).
Зиражат бувну бур 1939 шинал КIулушацIрал шяравасса Ттаттал ва ПатIиматлул кулпатраву. КIулушацIрал шяраву 7 класс къуртал бувну бур. Колхозру щурущисса, агьали къурнил давурттайх ппив хьусса заманнай Зиражатгу зий бивкIун бур колхозраву, шяраваллил инсантуращал щарнил къутандалийсса давурттай. Махъ тIурча, МахIачкъалалив зун бивкIун бур цIигьурну, столовойлуву, оьрчIал багъраву тIий, личIи-личIисса кIанттурдай тIий, чув зурчагу – архIал зузиминнал ва кIулминнал дянив бусраврай. Мюрщисса оьрчIругу махъ кьабивтун, оьрмулува лавгсса цила нитти-буттал кIану бувгьуну, циярва мюрщисса уссу-ссурвавран нину-ппу бакъашиву кIул къахьунмур бувссар ванил.
Цила оьрму Зиражатлул бавхIуну бур Ххюлуссуннал шяравасса МахIаммадов МяммацIун. Вайннал дянив хьуну бур шама арс ва ца душ. Язисса арснал нязаннивсса бивкIулул дардгу духIан багьну бур. Зиражат бия хъамал ххирасса, мякьнал кьакьари, ккашилнал лякьа кIулсса, дакI-аьмал ххуйсса, цуппа бусса кIану чIюлу бувайсса, цилла цIа щяв дутансса даву тачIав къадурсса зунттал хъамитайпа. Муксса инсантуращал хIал бавкьусса бикIайвахха, ванил цила оьрмулуву щинчIав къаччан бикIан бувшивугума къакIулли.
Зиражатлул бивкIулул кьурчIишивугу кIидачIлай, жижара буллай буру оьрчIахь – Аьбдужанатлухь, Русланнухь, Софьяхь, уссихь ХIасаннухь, ссихь Багьарижатлухь, ссурахъихь Ххадижатлухь, махъсса гъанчунахь.
Жяматрай, агьлу-авладрай барачатшиву ххи хьуннав. Зиражатлун алжан нясив баннав, цил бунагьирттал аьпа буваннав.
Жул къатлуву лавхъ чирахъ,
Барачатрал гьайчалий,
Жуща Заннал зерххусса
Багьа бищун къашай хъус.
Дардругу духIан багьсса,
Давлатрайгу къабивкIсса,
Симан пишлил дурцIусса,
Жул кулпатрал ттиркьюкьий.
КIулушацIрал, Хъанардал, Ххюлуссуннал жямат
Вана кIира шин хьуну
Ласнал аьпалун
Вана кIира шин хьуну
Ина жун ххал къахъанай,
Цуксса баргъ битларчангу,
Базу гъили къалаглай.
Вана кIира шин хьуну
Жу вия хьул къаличIлай,
Вила ххира оьрчIарал
Зумату щяв къаихьлай.
Ина Заннал увцунна
Ссавруннал малаикну,
Яла ххирамур зуруй
Алжаннул урцIух итан.
Цибави, аьзиз, туну,
Аьзаврай бухьурчагу,
Вай вил аьзизсса оьрчIру
Вихлугу ябулланна.
ЯхI банна ина акъа,
Цайминналгу бувайхха,
Хьунагубакьинхьуву
Ахиратраву жува.
Хъуннасса кьурчIишиву кIидачIлай, жижара буллай буру ЧIяйннал шяравасса Мустапаева Миясат Аьвдуллагьлул душнихь, ванил аьзизсса лас
Артур
жуятува личIи шаврийн бувну.
Алжаннул ххари аннав, рухI хъинний дишиннав. Махънал оьрмурдай барачат бишиннав. Амин.
Вищал архIал школалий ккалай бивкIсса гьалмахтурал цIания
