Яттил ккал дуллай бур

[dropcap]Д[/dropcap]агъусттаннал Шяраваллил хозяйствалул ва бакIлахъиялул министерствалул дузал бунни республикалий яттил ккал дансса комиссия.

ХI. Аьдилов
Комиссиялуву бур Министерствалул ятту ябаврил ва лазунни хъун даврил отделданул хъунама Юсуп ХIасанов, консультантътал НурмахIаммад МахIаммадов ва ГъазимахIаммад МахIаммадов, даэрдайсса ризкьилул иширттал управлениялул хъуна-хъунама зоотехник Аьбдулбасир МухIумаев.

Миннал апрельданул 19-22-нний яттил ккал дурну дур Тарумовкаллал, Шамиллул, Къизилюртуллал, Ахъушиял ва ЦIумадиял районнай. Комиссиялул члентурал яттил ккал дурссар 2000-яр ххишаласса ятту бусса хозяйствар­ттаву. Миксса ятту бусса хозяйствартту дур ларай кIицI дурсса районнай цинярдагу 13.

Комиссиялул дурсса хъиривлаявурттал хIасиллайн бувну, 13 хозяйствалувату 8-нниву лявкъуну бур сияхIрай ккаккан бувну бивкIссаксса ятту. ЛирчIми 5 хозяйствалуву (2 хозяйство ЦIумадиял райондалий, ца-ца хозяйство Ахъушиял, Тарумовкаллал ва Къизилюртуллал районнай) ятту чанну лявкъуну бур сияхIрай ккаккан бувминнуяр.