ДакIния къадуккайсса школалул шинну
А. Аьбдуллаева
ЦIуминалийсса ТIюхчардал школалий мукьилчин бивщунни махъва-махъсса гюнгутIи. ЦIанасса чIумал ТIюхчардал школалий дуклай бур 200-нийн бивсса оьрчIру. Гьашину 11 класс къуртал буллай ур 8 оьрчI, 9 класс къуртал буллай ур 11 оьрчI.
Дуккавриву, спортраву ва жяматийсса давурттаву чIалачIи дурсса ккаккиярттайн бувну, ТIюхчардал школа ккаллину бур райондалий ца яла хьхьичIунмур школалун. Мукунма ва школа бур республикалул хьхьичIунсса школардал сияхIрайгу.
