[dropcap]Б[/dropcap]агърава тIутIал кацI дуниял дарщусса чIумал бувну хъинссар.
Гъарал ларчIсса чIумал бю­хъавай мариттаванну тIутIив, хъункIултIутIул къуплил вив щин дагьарча, ми ччяни зия хьун бю­хъайссар.

* * *
Риттайхтура тIутIив пишкаш дувансса сант дакъахьурча, ми дюхлулсса кIанай ягу дякъий, холодильникраву, дирхьуну хъинссар. КIулсса куццуй, дякъий «обмен веществ» хIурхIа лагайссар ва тIутIив ччяни зия къашайссар.

* * *
Щинаву дишин хьхьичI тIутIал къяртрая щинавун щилан кунмасса чIапIив бивттуну хъинссар, щин ччяни зия къахьуншиврул.

* * *
Щинаву дишин хьхьичI тIутIив зунххину кьуркьуну хъин­ссар. Бю­хъавай щинаву дунура кьукьияра ми, тIутIул къяртравун гьава къабу­хханшиврул.
Гьарца кьини чан-чанну тIий кьукьларчагу тIутIал ух, тIутIал вазалуву бивчусса гьантри ххи хьунтIиссар.

* * *
ТIутIащалсса вазалувун дутIлатIисса щин ягу хъинну дяркъусса ягу гъилисса дикIан къааьркинссар. Чюхлила ларсун, мадара хIал лавгсса щинни тIутIан яла хъинми. Ягу щаращи дурсса, 20 градус дусса щин.
* * *
ТIутIив дирхьусса щинаву ца гурга аспириндалул дассан дурну хъинссар.
* * *
ТIутIащалсса ваза чIаракIлу (сквозняк) дусса ягу бургъил тIинтту тIайланна щилащисса кIанай дирхьуну къахъинссар.

* * *
ТIутIив дирхьусса щин гьарца кьини даххана дулларча, хъин­ссар.