[dropcap]М[/dropcap]ахIачкъала шагьрулул Ялув бацIаврил ва профилактикалул даврил 1-мур отделданул (УНД и ПР) баян буллай бур: цIу лачIун къаритансса чаран лякъаву мурадрай, Аьрасатнал ХIукуматрал ккаккан дурсса тIалавшиннардугу дурсса дахханашивурттая (2014 ш. 17 февраль №113).
[dropcap]К[/dropcap]каккан дурну дур шяраваллил ва шагьрулул кIанттурдай, промышленностьрал, энергетикалул, транспортрал, связьрал, радиовещаниялул, телевидениялул, информатикалул къатри дусса, мукунма мюхчаншиврул ва цаймигу хасъсса идарартту бусса кIанттурдай марч бакъасса чIумал кьаркьсса уртту ччуччаврил низам.
Кьаркьсса уртту профилактика даву мурадрай ччучлай бухьурча, ми ччуччин аьркинссар кьанивсса кIанттурдай, цирдагу цIу ппив къахьунсса чаран лявкъуну, яни ца блокрачIату гамуничIан гьарица чулуха кIира метралул манзил кьабивтун. ЦIу щусса кIанттурдал чIарахсса аьрщи му ппив хьун къаритан гьар цимурцаннуцIа марцI дурну дикIан аьркинссар ягу цIу щусса кIану неххал, ххуллул чIарав бикIан аьркинссар.
Кьаркьсса урттуцIух цIу щуннин аьрщи дачIи гектарданияр хъуни бакъасса бутIрайх дачIин аьркинссар. ЦIу щилащисса чIумал, иш нигьачIисса тагьарданухун багьарчагу, канилу цIу лещан данмур дикIан аьркинссар. ЦIу щунсса участокрая яла гъанмур объектрачIан чанма-чанну 50 метралул манзил бикIан аьркинссар.
Участокрал лагмасса кIанттурдугу хьхьичIва хIадур бан аьркинссар. ЦIу щун нанисса кIанттурдал лагмава 25 ягу ххишаласса метрардай бивхьусса кьавкьсса мурхьру ххуку бан аьркинссар, дукьан аьркинссар ччяни цIу лахъайсса затру. Укунсса хIадуршиндарал бала-апатIрая буруччинтIиссар.
ДакIний битияра, цIарая мюхчан шаву мурадрайсса тIалавшиннарду къадурурччусса инсантурай ва идарарттай аьчIа дишаву бакъассагу, ми уголов жавабгу дуллали байссар. ЦIу ларчIсса, пуркIу нанисса, ччуччиндарал кьанкь дусса кIанттурду щуркIал хьурча, мугьлат бакъа баян бувара пожар къаралданул телефоннайн: 01 – стационар телефондалия. 101 ягу 112 – мобил телефондалийхчин.
Оьмар Оьмаров,
хъунама дознаватель
ХIадур бувссар
А. Аьбдуллаевал
