[dropcap]В[/dropcap]ай гьантрай Владикавказ шагьрулий хьунни 1999-2000 шиннардий бувсса оьрчIал дянивсса Грэпплинграл СКФО-рал первенство.
Шикку хьусса бяст-ччаллаву гьуртту хьунни ЦIуссалакрал райондалул I-мур ДЮСШ-рал тренер-преподаватель Абачараев Сулайманнул хIадур увсса чIава спортсмен Зайнуттинов МухIаммад. Вай бяст-ччаллаву хьхьичIунсса кIану бувгьусса Зайнуттин гьуртту хьунтIиссар май зурул 5-6-нний Нальчик шагьрулий хьунтIисса Аьрасатнал Грэпплинграл первенствалий.
ЦIуссалакрал райондалул 1-мур ДЮСШ-рал тренертал дакIнихтуну барчаллагьрай бур спортсментал хIадур бан бувсса кумаграхлу Аьрасатнал цачIун дур командалул хъунама тренер, ДР-лул Грэпплинграл Федерациялул президент Аьбдуллаев ХIажимурадлуйн ва спортсментуран ххуллун харж бивхьусса, чIарав авцIусса жагьилсса ишбажаранчи ХIусайнов Давдийн.
ХIадур бувссар
Имара Саидовал
