ДР-лул Россельхознадзорданул управлениялул пишакартурал гьашину 1-мур кварталданий МахIачкъалаллал опталул ва розницалул базардаву ляркъуну дур санкциярдал сияхIрайн ларсун диркIсса, яъни дахлан къадагъа дирхьусса сайки 3 тонна ахъулссаннул. Муния бувсунни Россельхознадзорданул прессалул къуллугърал.
[dropcap]М[/dropcap]асалдаран, МахIачкъалаллал 2-мур опталул ва розницалул базаллуву лявкъуну бур баххан хIадур бувсса Польшанавасса 1 тонналияргу чIявусса гьивч.
МахIачкъалалия 5 километралул манзилданийсса «Экзотика» тIисса ахъулссаннул ва ахънилссаннул базаллуву ляркъуну дур 1,5 тонна Польшанавасса гьивчул. Миккура ляркъуну дур дачIи тонна Литванавасса хъюртул, 60 кило Италиянавасса бувгьу кьюнукьул ва 28 кило Голландиянавасса оьрчIикIурилул.
Аьрасатнал Федерациялийн дучIан даврий къадагъа дирхьусса ахъулсса зерххуну духлаган дурну дур.
ХIадур бувссар
ХI. Аьдиловлул
