ДакIнихтуну барча буллай буру вай гьантрай оьрмулул 50 шин хьусса 1-мур ЦIувкIратусса Ниязбаглул душ Сайдуева Садияна.
БакI-чурххал бювхъусса,хасиятрал иминсса, бавкьусса Садияна жунгу, жяматрангу, Каспийскаллал агьулданунгу ххирассар,
гьар ишираву ва чIарав бацIайссар, цищава шайсса хъинбала инсантуран буван чялишнувассар. Мурччай пиш буну бакъа инсаннащал гъалгъагу къабайссар. ЦIуллушиву дулуннав, Садиянай, вихьхьунгу, Магьдинахьхьунгу, арсурваврахьхьунгу! Миннал ххари булланнав ина,дакIнийцири мурадру бартлаганнав!
Школалий архIал
дуклай бивкIми
[dropcap]В[/dropcap]ай гьантрай увну ур ххаллилсса ккуркличу, Дагъусттаннал Промышленностьрал лайкь хьусса зузала, АьФ-лул Навтлил ва газрал промышленностьрал лайкь хьусса зузала, Вагьаблул арс Давуд Идрисов.
Давуд, чIярусса шиннардий «Дагнефтепродукт» ОАО-лий жаваблувсса къуллугъирттай зий, лайкь хьуссар СССР-данул ЦК КПСС-рал ва Совминдалул хIурматрал грамотарттан. ХIакьинусса кьинигу ва бусравну ур архIал зузиминнан ва шяраваллил жяматран.
ХIурмат бусса Давуд Вагьабович! ДакIнихтуну барча тIий буру вихь увсса кьини. ЦIуллушиву дулуннав, оьрму лахъи баннав, оьрчIалгу, миннал оьрчIалгу ххари уллай, оьрмулул уччиннин итаннав.
Ина жун чан къааннав.
Вил хIурмат бусса дустал, ина ххирасса гъан-маччами
[dropcap]В[/dropcap]ай гьантрай оьрмулул юбилей кIицI лаглай ур жул аьзизсса уссу ва гъанчу, ЧIяйннал шяравасса Кьурбан-МахIаммадлул арс Къубалаев Кьурбан.
Цала оьрмулул ва захIматрал ххуллу жул уссил бувтссар узданну, яхI-къирият, инсаншиву дуну. Чув зий ухьурчагу, архIал зузиминнал дянив бусравну ва хIурматрай ивкIссар Кьурбан, ххаллилсса пишакар ва каялувчи хIисаврайгу, авадансса дакIнил заллу хIисаврайгу.
Ххирасса Кьурбан! Ина жул, ссурваврал, чIарав ххуйну авцIуссара. Ина жун буттанугу, уссунугу хьуссара. Ина жула цIаний бувмур жун тачIав хъамакъабитантIиссар.
ДакIнихтуну барча тIий буру вихь, аьзизсса уссай, увсса кьини! ЧIа тIий буру цIакьсса цIуллушиву, ххаришивуртту, тирхханну, гьарца ишираву тIайлабацIу. Ина, вила оьрчIалгу, оьрчIал оьрчIалгу ххари уллай, оьрмулия щалихханнин итаннав.
Гьарца ххуллу-ххуттаву
Ххуйшиву ххисса уссай,
Гьарца баймур-битаймур
Бусравсса ххаллил уссай,
Язину, ядигарну
Яхъанахъу жул дянив!
Вил ссурвал Муслимат, ПатIимат, Муъминат, кулпат ва цинявппа гъан-маччами
