[dropcap]М[/dropcap]айрал 12-нний Каспийскалий тIиртIунни Дагъусттаннал цIа дурксса лачIунукку Аьли Аьлиевлул цIанийсса лачIун буккаврил Дунияллул халкьуннал турнир. Турнирданий гьуртту хьунни 12 билаятраясса 150-нная ливчусса спортсментал: Аьрасатнава, Латвиянава, Белоруснава, Словакиянава, Монголнава, Украинная, Гуржиянава, Къиргъизнава, Болгарнава, Азирбижанная, Руминнава ва УзбакIнава.
ХIасан Аьдилов
Турнир тIитIлатIисса мажлисрай махъ лавхъуна ДР-лул ХIукуматрал председательнал 1-ма хъиривчу Анатолий Карибовлул. Махъру лавхъунни мукунма: Ухссавнил Ккавкказнаву лачIун буккаврил цалчинма олимпий чемпион Загъалав Аьбдулбековлул, Гъуниннал райондалул бакIчи АхIмад МахIаммадовлул, ДР-лул Халкьуннал Мажлисрал депутат, МахIаммадхан Арациловлул, Аьли Аьлиевлул арс Зуркьанай Аьлиевлул.
Турнир тIитIаврил лагрулий хьхьичIунсса тренертуран дуллунни ДР-лул Спортрал министерствалул чулухасса хIурматрал грамотартту.
Дагъусттаннал лачIунбуккултрал дурххунни 23 медаль, миннувату 5 мусил, 6 арцул ва 12 чарвитулсса.
Турнирданул чемпионтал хьунни Жабраил Гъаирбеков (57 кило), Артем Гебеков (61 кило), АхIмад ХIусманов (74 кило), Даурен Куругълиев (86 кило), МахIаммадхан МахIаммадов (97 кило).
Арцул медаллан лайкь хьунни: Исмяил ХIажиев (57 кило), Шихсаид Жалилов (65 кило), АьвдулхIажи МахIаммадов (70 кило), МахIаммадрасул ГъазимахIаммадов (74 кило), Зайнулла Кьурбанов (97 кило), МахIаммадамин Дибиров (125 кило).
Чарвитул медаллу дурххунни: Муслим Сяъдуллаевлул (57 кило), Рамиз ХIамзатовлул (57 кило), Рамазан Фералиевлул (61 кило), Рустам Аьбдурашидовлул (61 кило), Сяид Каримуттиновлул (65 кило), Расул Арсанаьлиевлул (70 кило), МахIома ДибирхIажиевлул (74 кило), Оьмахан МахIаммадхановлул (79 кило), МахIаммад МутIалибовлул (79 кило), Арсенаьли Мусааьлиевлул (86 кило), Аьлихан Жабраиловлул (92 кило), МахIаммадхIажи Нурасуловлул (125 кило).
