[dropcap]А[/dropcap]прельданул 27-нний Кьиблалул территориялул округрайсса районну «Ттул Ватан – Аьрасат» тIисса цIанилусса агитбригадардал фестивальданул лагрулий хъамалу хьунни Дарбант шагьрулий. Ва хъанай дия ва фестивальданул ахир-этап, яни мукьулчинмур этап. ХьхьичIсса шаннагу хьуссияКъизлардай, Лаващав ва МахIачкъалалив.

---

[dropcap]Ф[/dropcap]естивальданул сакиншинначитал – ДР-лул Культуралул министерство, Республикалул Халкьуннал творчествалул къатта. ЧIарав бацIаву дуллалиссар республикалул районнал ва шагьрурдал муниципал сакиншиннардил.

[dropcap]Ф[/dropcap]естивальданул агьамми мурадру бур махъа нанисса ник ватан ххирану тарбия даву, личIи-личIисса диннал ва миллатирттал инсантураву кувннал кувннах ссавурданийсса бургаву, нахIу-хIалимшиву машгьур даву.

Ва кьини личIи-личIисса номерду ккаккан буван сахIналийн лавхъуна Агъуллал, Хивуллал, Табасараннал, Дарбантуллал, КIурахуллал, МахIарамккантуллал, РутIуллал, Сулайман-Стальскаллал, Дахадаевлуллал районнайсса ва Дарбант ва Даг.Огни шагьрурдайсса Аслийсса культуралул центрдал агитколлективру.

Ва фестивальданул мукьрагу этаправу хасъсса комиссиялул язи бувгьусса коллективру гьуртту хьунтIиссар МахIачкъалалив хьунтIисса гала-концертравух.

Бадрижамал Аьлиева