ДакIний личIансса оьрчIал мажлис

Вай гьантрай МахIачкъалаллал ЦБС-рал №20 библиотекалуву хьунни гьунар бусса шаэр, прозаик, публицист Абакар Мудуновлун 100 шин шаврин хас бувсса литературалул ва музыкалул мажлис.


Андриана Аьбдуллаева
Библиотекалул залдануву ккаккиялун бивхьуну бия Абакар Мудуновлул луттирду, ваная чивчусса кказит-журналлу, чIирайн лархъун дия ванан хас дурсса стенд.
Мажлис тIивтIуна библиотекалул хъунмур Роза Къапиевал.
Хъирив Абакар Мудуновлул оьрмулул ва дяъвилул ххуллия, ванал творчествалия гьарта-гьарзану бувсуна библиотекалул зузала Ирина Постриганевал.

МахIачкъалаллал 17-мур гимназиялул дуклаки оьрчIал дайдирхьуна цаламур программа лакку гимнрайну. Хъирив 3-мур классрал дуклаки оьрчIал дурккуна лакку мазрай шаэрнал назмурду, увкуна мунал мукъурттий­сса балайрду. ОьрчIру хIадур бувну бия 17-мур гимназиялий лакку мазрал дарсру дихьлахьи­сса ХIажи Амировлул. Шиккува бусан, хIакьину ва гимназиялий лакку мазрал дарсирдайн занай ур 174 оьрчI.

Мажлисрай гьуртту хъана­хъисса оьрчIах бурувгукун, вайннавусса ниттил мазрахсса гъира чIалай, ххари хъанай дия дакI. Миннавух бия лакрал хIакьсса патриотътал: Амучи Амуттиновлул душнил душ, Даниял Магьдиевлул арснал душ ва цаймигу цала миллатгу, мазгу ххирасса нитти-буттал оьрчIру, оьрчIал оьрчIру.
Абакар Мудунов дакIнийн утлатисса ихтилат бувна ХIажи Амировлул.

Министр печати и информации Дагестана Рашид Акавов посетил с инспекцией детский лагерь «Орленок»

Врио министра печати и информации Республики Дагестан Рашид Акавов по поручению Председателя Правительства Артема Здунова посетил детский оздоровительный лагерь «Орленок». Читать далее