Бахтти-талихI машан ласун къашайссар.

Бивтмур ххуллу бигьамурди.

БурцIил лякьа ччанналли дуччин дайсса.

Бургъи-зуруйн барзущагу биян къашайссар.

Бургъил гъили къаувма зурул тачIаввагу гъили къаай­ссар.

Бивщу лелуххуща архну леххан къашайссар.

Бюрх бивнийн оьрватIигу бияйссар.

Бюрххул дакIгу мудан­на ват-ват тIийннари дикIай­сса.

БивкIу мукьал, хъатIи балайлул чIюлу байссар.

Бурттима ахьттаманаяр хьхьичI уккайссар.

Барзу зунттаватур лев­ххун бучIайсса.

Бюхттул зунттугу ссавнил луври бусса.

Варанттун сувра къаххирассар.

ВацIлул ццуншиву цухьлун, хьхьирил куртIшиву хIавлун кIулссар

Вил душман ххираманан ина къаххирассара

ВичIи кьуркьуннича куну, къюкI къашайссар.

Гьарайзунан ккаши ба­къассар.

Гьантта икIу, кIанун лахьхьу

Гъарал ларчIун махъ, варсул хъирив лечлан аьркин ба­къассар.

ДачIра ххунклух дуаь къадуккайссар.

Душманшиву дан бигьассар, дусшиву дан захIматссар.