ДР-лул Россельхознадзорданул управлениялул паччахIлугърал инспектортурал МахIачкъалаллал базаллаву ляркъуну дур Аьрасатнавун дучIан даврин къадагъа дирхьуну диркIсса дукия. Франциянаву микIлачIун бувсса лососрал дикI документругу бакъа ляркъуну дур МахIачкъалаливсса Дагъусттаннал ца хъунмасса чавахъирттал предприятиялий.
[dropcap]Ч[/dropcap]авахъру лавкьуну бивкIсса далухIилий (упаковка) чичру дур чавахъру Аьрасатнавун Белоруссиянавату бувкIссар тIисса, амма миккува бувсун бур га чавахърал дукия Франциянал чавахъирттая дурну душивугу.
Муний ккаккан дурну дур дукия та дурссарив ва таниннин дукан аьркинссарив, яни цуксса хIаллай ядан бучIиссарив. Ми чичрурдайн бувну, дукия дукан ккаккан дурсса чIумуяр 4 зурул лахъи ларгун диркIун дур.
Закондалийн бувну чирчуну дур санкциялийн дагьайсса дукия зехлахишиврул хIакъиравусса акт, 320 кило чавахърал дукиялул ччурччуну дур.
ХIадур бувссар
ХIасан Аьдиловлул
