ЧIава шаэртурал конкурс

Аьрасатнал Президентнал ОьрчIшиврул ацIрашинал (2018-2027 ш.ш.) программалул лаг­рулий баян бувну бур оьрчIал ва чIаважагьилтурал, шаэртурал – балайрду чичултрал (песенниктурал) Национал конкурс, «Талант, согревающий добром» тIисса цIанилу

Ва конкурсрал гьанумур мурадну хIисав буллай бур, балайрду чичаврил пагьму-гьунар бусса оьрчIру лявкъуну, миннацIун кабакьаву, хаснува ятинсса, муша­къатсса, чIявусса оьрчIру бусса кулпатирттаву хъуни хъанахъисса, интернатир­ттай тарбия хъанахъисса оьрчIан ка-кумаг баву.

Конкурсрай гьурттушинна дуван оьвтIий бур 10 шинава 25 шинавун бияннинсса оьрчIайн. Аьрзарду кьамул буллантIий бур октябрь зурул 1-нин ва электрон адресрай: konkurs@alexandriamusic.ru («Конкурс» тIисса махъгу чивчуну) ягу почталийхчIин: 119034, г. Москва, ул. Пречистенка, д. 10/2, офис 45, (мукунма конвертрай «Конкурс» тIисса махъгу чивчуну).
Конкурсрая балжину бувсун бур электрон адресрай ккаккан дурсса сайтрай.

Дагъусттаннал кIулшиву дулаврил ва элмулул министерствагу оьвтIий бур республикалул оьрчIайн, ва конкурсраву гьуртту хьияра, зула чичаврил бюхъу-гьунар ккаккан бувара тIий. Жулгу умуд бур учительтуралгу дагьайкунсса къулагъас дуванссар конкурсрах, зучIава дуклакисса, назмурду чичаврил пагьму бусса оьрчIан конкурсрай гьуртту хьун маслихIатгу, кумаггу буванссар тIисса.

П. Рамазанова