[dropcap]В[/dropcap]ай гьантрай Лакрал райондалийн бувкIун бия ДР-лул БакIчинал зунттал райондалийсса вакил МахIаммад Камилов, БакIчинал маслихIатчи Камил Ланда ва миллатирттал иширттал министрТатьяна Гамалей, жагьилтурал ккураннал вакилтал.
Зулайхат Тахакьаева
[dropcap]А[/dropcap]дминистрациялул актовый заллануву миннащалсса хьунабакьаврий гьуртту хьунни администрациялул бакIчинал цалчинма хъиривчу Абакар Къюннуев, идарарттал хъуними ва зузалт, диндалул ишккаккулт.
Ихтилат бия миллатирттал дянивсса арардая, экстремизм ва терроризм дайщун даврия, кIулшиву дулаврил идарарттал даврия,.
МахIаммад Камиловлул кIицI лавгунни укунсса хьунабакьавуртту шайшиву чIумуя-чIумуйy, кIантту-кIанттурдайсса тагьар кIул даву мурадрай, аьмну республикалийсса тагьар саргъунсса дикIаншиврул.
Татьяна Гамалейл чIурчIав дурунни, миллатирттал дянивсса арарду хIисав дурну, Лакрал район республикалий ца яла паракьатмунин ккалли хъанай душиву.
«Жува миллатру чIявусса республикалий ялапар хъанай бухьувкун, дунияллий хъанахъисса иширттацIун бавхIуну къалмакъаллая бурувччуну бакъассару. ХIакьинусса кьини жула яла агьаммур масъалану хьун аьркинссар билаятрал вив дакьаву дуруччаву. Миллатирттал дянив бувчIа-къабувчIу хьусса чIивисса ишгума чIарах буккан битан къааьркинссар», — увкунни министрнал.
Бувсунни цила захIматрал ххуллу Лакрал райондалий ГьунчIукьатIрал шяраву байбивхьушиву.
Камил Ландал кIицI лавгунни, ци паракьатшиву райондалий духьурчагу, экстремизмалийн ва терроризмалийн къаршисса давурттах къулагъас чан дан къабучIишиву ва ми давуртту дуллан аьркинну бушиву шяраваллил бакIчинащал, диндалул ишккаккултращал, низам дуруччай органнащал, хъунисриннал советращал ва жагьилтуращал цачIуну.
Райондалул имам Шагьмурад ХIажимурадовлул балжину бувсунни экстремизмалийн ва терроризмалийн къаршину дуллалисса давурттая.
Ихтилатру бувунни Аьрасатнал МВД-лул «Лакский» МО-лул каялувчи Юсуп Амировлул, райондалул администрациялул АТК-лул (антитеррористическая комиссия) отделданул каялувчи МахIаммад Гадаевлул. «Патриоты» ассоциациялул каялувчи АьвдулхIажиевлул.
