«Заваллайсса бургъил» ччуччин бавай ливчIунни «Анжи»

[dropcap]А[/dropcap]прельданул 14-нний Санкт-Петербурглив хьунни Аьрасатнал футболданул чемпионатрал «Зенит» ва МахIачкъалаллал «Анжи» командарттал дянивсса тIуркIу.


Р. Къардашов
[dropcap]Н[/dropcap]ай дунува «Зенит» командалул ккаккан бувунни цила гуж-кьуватгу, бяс-ччаллаву ялтту буклай бушивугу. ТIуркIулул 36-мур минутIрай «Зенитрал» футболист Юрий Жирковлул майдандалул мурцIния бивщуну гьан бувсса ттуп Ерохиннул, бакIрах кьамулгу бувну, гихунмай тIайла бувккунни Дриуссилухьхьун, муналгу запI чин бувунни ттуп «Анжилул» къапулувун.

ТIуркIулул дайлитIу хьуннин «Зенитрахь» дия ялагу голлу бакьинсса каширду, амма ми ишла дан къабювхъунни. ТIуркIулул ялун ххи дурсса чIумуй «Анжилущагу» ишла бан къабювхъунни гол бакьин биривсса чаран. Ахиргу 1:0 счетрайну тIуркIу къуртал хьунни.
«Анжилул» хъиривмур тIур­кIу хьунтIиссар апрельданул 21-нний Каспийскалий Екатеринбург шагьрулул «Урал» командалущал.

«Зенит»-«Анжи» — 1:0
Гол: Дриусси, 36
«Зенит»: Лунев (Лодыгин, 77), Мевля, Ванович, Кришито, Смольников, Парадес, Краневиттер, Жирков, Ерохин, Дриусси (Ригони, 71), Заболотный (Полоз, 53).
«Анжи»: Лория, Мусалов (Будковский, 84), Самарджич, Брызгалов, Полуяхтов, Тетрашвили, Антон (Прудников, 64) Бакаев, Хубулов (Маркелов, 71), Данченко, Лескано.