[dropcap]А[/dropcap]прельданул 10-нний Москавлив ИТАР-ТАСС-рал хъунмур офисраву хьунни Дагъусттаннал БакIчинал кIанайма Владимир Васильевлул пресс-конференция, лачIун буккаврил Европанал чемпионатрал хIакъиравусса.
[dropcap]М[/dropcap]уний гьуртту хьунни Аьрасатнал лачIун буккаврил федерациялул 1-ма вице-президент Оьмар Муртузялиев, Дагъусттаннал цачIундур командалул хъуна-хъунама тренер Сажид Сажидов, лачIунукку, олимпий чемпион Аьбдурашид Сяъдуллаев.
ЛачIун буклан тIий бур мукьва журалий – греко-римуллал зумуну арамтурал ва душварал илкинсса лачIун буккаву ва грепплинграй буккаву. Турнир хьунтIиссар Каспийскалий Аьли-Аьлиевлул цIанийсса Спортрал къатраву.
Региондалул каялувчинал бувсунни чемпионатрайн цукун хIадур хъанай буссарив. Владимир Васильевлул мукунна жавабру дуллунни Дагъусттаннал социал-экономикалул лябуккулийн багьайсса суаллахьхьунгу.
