Арцу нанисса ххуллурду кьукьин

Апрельданул 11-нний Черкеск шагьрулий АьФ-лул Мюхчаншиврул Советрал Секретарь Николай Патрушевлул батIаву дунни.
Муний гьуртту хьунни Аьра­сатнал Президентнал СКФО-райсса вакил Олег Беловенцев ва Ухссавнил Ккавкказуллал субъектирдал каялувчитал, миннавух ия ДР-лул БакIчинал кIанайма Владимир Васильевгу.

Ххал бивгьунни гъанмур баргълагавал чулийсса региондалия терроризмалул иширттаятусса нигьачIаву Ух­ссавнил Ккавкказуллал округрал аьрщарайн дучIаврийн къаршисса чаранну. Мукунсса давурттавасса ца хъанай дур кьюлтI хьусса къачагътурал кьюкьри ва минначIан арцурду нанисса кIанттурду ашкара бувну, ми бухлаган баву.

Террористурал иширттая нигьачIаву диян бюхъайсса объектру ххуйну дуруччаву. Ккаккан бунни мукунма паччахIлугърал дазурду дуруччаву цахъисгу гужлан дуван, террористал жула чулийнмай къабухханшиврул.

БатIаврий мукунма бувсунни жагьилтурал дянив патриотшиврул аькь­лу-кIулши лахъ дуллан аьркиншиву паччахIлугърал властьрал органнавугу, кIанттул цилакаялувшиврул ва граждан обществалул институтирттавугу.