[dropcap]М[/dropcap]артрал 6-нний Ккуллал райондалул администрациялул залдануву хьунни терроризмалийн къаршисса комиссиялул батIаву. Ва батIаврий гьуртту хъанай бия Ккуллал райондалул бакIчинал хъиривма Чаринов МахIаммад,
Лакрал ва Ккуллал районнал цачIусса полициялул хъунама Амиров Юсуп, кIирагу райондалул дянивсса прокурор МухIадов Сяид, райондалийсса шяраваллал бакIчитал ва идарарттал каялувчитал.
КIирагу райондалий терроризмалийн къаршисса цукунсса давуртту дуллай буссарив бусласисса ихтилат бувна Амиров Юсуплул. Низам зия дуллалими цукунсса законнайн кIункIу буллалиссарив бувсуна МухIадов Сяидлул. Вайннал такну кIицI бувна терроризмалул ишру хъинну кьюлтIну най бикIан бюхъайшиву, мунияту жула инсантал личIлулшиву ххину бикIан аьркиншиву.
Ихтилатру бувна Чаринов МахIаммадлул, Ккуллал райондалул ТИК-рал хъунама АхIмадов МахIаммадлул. Хьуна цаймигу ихтилатру.
