Бюхттулсса наградалун лайкь хьунни

Хъаннил байрандалул кьини ДР-лул БакIчи Владимир Васильевлул шадлугърал даражалий ПаччахIлугърал награда – Да­гъусттанналхалкьуннал артисткал цIа дуллунни ЦIуссалакрал райондалул Культуралул управлениялул хъунмур ХIабибат Буттаеван.


ХIабибат Буттаева нукIува цила гьунарданийну, тIааьнсса чIунийну ва язисса репертуарданийну тамашачитуран ххира хьусса, бусрав хьусса балайчи бур.

2015 шинал ЦIуссалакрал райондалул Культуралул управлениялул хъунмурну бивтун махъ ялун ливчунни ванил каялувчинал ва сакиншинначиналмур гьунаргу.

Зун гъирагу, бюхъу-бажаргу бусса, культуралул даврил опыт бусса, жагьилсса каялувчи ХIа­бибат Буттаевал чIирисса чIумул мутталий цикссагу давуртту дунни райондалул культуралул даву хъиннува лавайсса даражалийн дуцин. Ххаллилсса коллективгу сакин бувну, культуралул давугу нирхиравун рутан бювхъунни ванища.

ДакIнихтуну барча дуллай буру, ХIабибат, вил лайкьсса награда. ТачIав къалещаннав вил дакIний гъирагу, гьавасгу.

Андриана Аьбдуллаева