Президент хьун кьаст лархIуми

[dropcap]М[/dropcap]артрал 18-нний хьунни Аьрасатнал Президентнал був­чIавуртту. Вай хьунни, 1991 шиная байбивхьуну, арулчинми бувчIавуртту, 27 шинал дянив вайннувух гьуртту хьуссар 64 кандидат. 1991 шинал дагъусттанлув Рамазан АьбдуллатIиповлул цалла цIа дирхьуну дуссия вице-президентнал къуллугърайнсса бувчIавурттавух. ЦIана ЦИК-рал хъунмурну зузисса Элла Панфиловагу 2000 шинал гьур­тту хьуссия Аьрасатнал Президентнал бувчIавурттавух.
Кандидатътурал дянив бия цIа дурксса ва кIулвагу бакъасса агьали, дакIнийн дичинну вайннал цIарду ва вайннах буллусса чIурду.


1991 шин
Ва шинал бувчIлай буссия чутну Аьрасатнал Президент ва вице-президент. Борис Ельцин – Александр Руцкой (57,3%)
Николай Рыжков – Борис Громов (16,8%)
Владимир Жириновский – Андрей Завидия (7,81%)
Аман Тулеев – Виктор Бочаров (6,81%)
Альберт Макашов – Алексей Сергеев (3,74%)
Вадим Бакатин – Рамазан АьбдуллатIипов (3,42%)
Президентну увчIуссар Борис Ельцин, вице-президентну – Александр Руцкой.
ЧIурду: Аьрасатнаву – 57,3%
Дагъус­ттаннай – 65,86%.

1996 шин
Президентнал бувчIавур­тавух гьуртту хьуссар:
Борис Ельцин (53,82%), Геннадий Зюганов (32,03%), Александр Лебедь (14,52%), Григорий Явлинский (7,34%), Владимир Жириновский (5,0%) Святослав Федоров (0,92%), Михаил Горбачев (0,51%),
Мартин Шукум (0,37%), Юрий Власов (0,2%), Владимир Брынцалов (0,16%).
Цалчинмур турданий Геннадий Зюгановлул лавсъссар 32,03%. Борис Ельциннул – 35,28%.
Жула республикалий цалчинмур турданий Зюгановлухлу буллуссар 63,23%, Борис Ельциннухлу 28,52% чIурдал.
КIилчинмур турданий ххув хьуссар Борис Ельцин (53,82%), ванахлу Дагъусттаннай буллу­ссар 53,07% чIурдал.

2000 шин
Ва шинал Аьрасатнал Президентнал къуллугъ бугьан­сса бувчIавурттах цала цIа дирхьу­ссар:
Владимир Путиннул (51,95%), Геннадий Зюгановлул (29,48%), Григорий Явлинскийл (5,8%), Аман Тулеевлул (2,9%), Владимир Жириновскийл (2,70%), Константин Титовлул (1,47%), Элла Памфиловал (1,01%), Станислав Говорухиннул (0,44%), Юрий Скуратовлул (0,43%), Алексей Подберезкиннул (0,13%), Уммар Джаб­раиловлул (0,10%).
Аьрасатнал Президентну увчIуссар Владимир Путин, Дагъусттаннай ванахлу буллу­ссар 81,04% чIурдал.

2004 шин
Аьрасатнал Президентнал бувчIавурттах гьуртту хьуссар: Владимир Путин (71,31%), Николай Харитонов (13,69%), Сергей Глазьев (4,1%), Ирина Хакамада (3,84%), Олег Малышкин (2,02%), Сергей Миронов (0,75%).
Владимир Путин цал ттигу увчIуссар Аьрасатнал президентну, ванахлу Дагъусттаннай буллуссар 94,61% чIурдал.

2008 шин
КIийла Аьрасатнал Президентну увчIусса Владимир Путиннуй, Конституциялийн хъарну, ва шинал бувчIавурттавух гьуртту хьун къадагъа дирхьуну дуссия. Президентшиврийн­сса кандидатнал цIарду дирхьуссия: Дмитрий Медведевлул (70,28%), Геннадий Зюгановлул, (17,72%), Владимир Жириновскийл (9,35%), Андрей Богдановлул (1,1%).
Язи увгьуссар Дмитрий Медведев, Дагъусттаннай ванахлу буллуссар чIурдал 91,92%.

2012 шин
Аьрасатнал Президентнал бувчIавурттавух гьуртту хьуссар: Владимир Путин (63,6%), Геннадий Зюганов (17,18%), Михаил Прохоров (7,98), Владимир Жириновский (6,22%), Сергей Миронов (3,85%).
Аьрасатнал Президентну увчIуссар Владимир Путин, ванахлу Дагъусттаннай буллуссар 92,84% чIурдал, Ккуллал райондалий 96,04%, Лакрал райондалий 94,08%, ЦIуссалакрал райондалий 93,11%.
Лакрал районнай цумур шинал, щихлу, циксса чIурду буллуну бивкIссарив кIул бан бюхъантIиссар Аьрасатнал ЦИК-рал сайтрай http://cikrf.ru/banners/vib_arhiv/president/

ХIадур бувссар
Руслан Къардашовлул