[dropcap]М[/dropcap]арт зурул 7-нний оьрмулул 80 шинал юбилей хьунадакьлай ур КIулушацIрал жяматрал ва лакрал агьалинал ххаллилсса вакил, Сулайманнул арс Аьбдуллаев Шарапуттин.

[dropcap]Ш[/dropcap]арапуттиннул цIа ца хIурмат ва кьадру ххину кIицI лагайссар цала агьлу-авладрал дянивгу, жяматрал дянивгу, МахIачкъалаливсса чIявусса педагогтурал дянивгу. АцIрахъул шиннардий ванал директоршиву дурсса МахIачкъалаллал 18-мур школа мудангу ккаллину бикIайссия шагьрулий ца яла хьхьичIунминнувух.

Хъуннасса юбилейгу барачат дуллай, чIа тIий буру Шарапуттиннун цIуллусса шинну, цIу-цIусса ххуй-хъиншивуртту, вила чумартсса дакIнин лав­хьхьусса кьисмат!
Дустал, гьалмахтал,
уртакьтал

---

Хъаннил байран барча дуллай буру жула шяраву душнихь, чIунархIал хъаннивугу бусрав­сса, ласнал ляхъиндалул дянивгу хIурматрайсса, бавцIусса кIану ххуй байсса, бакIралгу ххуйсса, чурххалгу бавкьусса, ЧIурттащиял шяравасса Хаваева ПатIимат Шагьисмяиллул душнихь.
[dropcap]П[/dropcap]атIимат «Анаварсса кумаграл» азарханалий хирургиялул отделениялий медсестрану зий 45 шинни.
Ххуймур, хъинмур буван анавар бувкнувасса инсан бушаврищал, уттигъанну иш багьнугу, кIул хьунни цила коллективравугу ванил хIурмат-кьимат цуксса буссарив. Даврил уртакьтурачIагу, къашайшалтрачIагу ва хъун хIакиннал кьадрулий бия. Ттунмагу ва бакIрайн къабагьссания, ци бакIрачIан бучIантIиссияв къакIула. Цила даву сант кIулну дайсса ПатIиматлуя рязисса ттинингу чIявусса бикIайва.
Я Аллагь, вихьхьун цIуллу­шиву дулуннав чIярусса шиннардий вила дакIнил ларсъсса даврий ттиния тинмайгу зун­сса, инсантуран хъиншивуртту дуллансса.
Барачатрал дайдихьу хьуннав вин ва интдайдихьулий­сса Хъаннил байран. Битаннав ина оьрмулул буччинцIа, вила наслулия рязину, миннал ххари буллай.
Тамара ХIажиева