ЦIусса хаварду ца-кIива ххуттайну

Цинявнналагу иман – ца Заннайнни
Ларгсса бигьалагай кьини Великобританиянавусса мизитирттаву цинявппа диннал агьулданун нузру тIиртIусса кьини дурну дур. Ххачпараснал ва цаймигу диннал агьулданул Лондоннайсса ва Брэдфорд­райсса мизитирттаву чаклийн бавтIцириннащал ихтилатру бувну бур, ислам ххуйну лахьхьаву мурадрай. «ХIижаб дархIусса хъаннихь зума цIухлай, ми азурда буллалаву къатIайлассар, му жунна цинявннан къакьамул­сса тIайладакъашивур», — тIий ур, мизитирттавух уккайхту, лейборист партиялул бакIчи Джереми Корбин.

ОьрчIал чурххан
къалархьхьусса даву
Нигериянал Национал статистикалул бюрорал ва ЮНИСЕФ-рал фондрал цачIусса хъиривлаявурттайну исват бувну бур Нигериянаву оьрчIал 50 % давур­ттай зий бушиву. Мискиншиву сававну 5 шинава 17 шинавун бияннинсса оьрчIру захIматсса давурттай зий бусса бур, оьрчIру зузи баврий къадагъа духьурчагу.

Адыгейнал нис –
Аьрабусттаннайн
Март зуруй Адыгейнал нис Аьрабусттаннайн тIайла дуклантIишиву баян бунни. 2012 шиная шинмай Адыгейнал нис тIайла дуккайсса дур Германиянавунгу, так ца ларгсса шинал 26 тонна нисирал тIайла дурккун дур. Гьашину 100 тонна нисирал тIалав дуллалисса кьутIигу немецнал дурну дур.

Инвестортурансса
телеканал – Чачаннаву
Региондалий зун ччисса инвестортурансса цалчинсса бизнес-канал «Деловая Чечня» зун дайдирхьуну дур Чачаннаву. Канал зузи дурну дур инвестицияр­ттал шинал лагрулий. Ва проектрал республикалийн инвестортал кIункIу бувантIишиврий дакI дарцIуну бур, экономикалул министрная тIайла хьуну, ваниха зузими. Онлайн-режимрай инвестортураща цIухху-бусу буван тIайланма Чачаннал хъуниминнайн буккан хьунтIий бур.

Ххяллу ттириркIуну бувсса варанттал къалипру
Саоьдуллал Аьрабусттаннаясса ва Европанавасса археологтуран ляркъуну дур ххяллу ттириркIуну дурсса варанттал къалипрайсса рельефру. Ми жулла эра дайдишин хьхьичIвасса, аьвзалзаманнайва бувсса къалипру бусса бур. БавцIусса варан­ттал къалипру бур цивппагу. Археологтал хIайранну бур чарил усттартурал танирасса магьиршиврий.
ХIадур бувссар
П. Рамазановал
Ца миллион долларданунсса торт

Азарва ккунукгу хIала бувну, жалиндалул къалипрайсса торт бувну бур Дубайлив аьрабнал. Мунил багьагу ца миллион доллардал бусса бур.

ХIадур бувссар П. Рамазановал