[dropcap]К[/dropcap]ъатIайлабацIусса, духIан захIматсса къювулийсса нюжмар хьунни жула щалагу билаятран ва нюжмар. Вай гьантрай Аьрасатнал цуппа ца шагьру къаливчIхьунссар Кемероволий хьусса бала-апатIраву ливтIуминнал гъан-маччанащал,кIулминнащал къюву кIикъадарчIусса, захIматсса дардирал буруккин къабувсса.
[dropcap]М[/dropcap]артрал 27-нний МахIачкъалаливгу «50-летия Октября» паркравусса гьайкалданучIа Кемероваллал «Зимняя вишня» ТРЦ-лий ливтIуцириннал аьпалунсса акция хьунни. Ахттакьунбизулуву шиккун тIутIащал ва майлул чирахъирттащал чIявусса халкь бавтIун бия. Вайннавух чансса бакъая тIутIащал, игрушкарттащал бувкIсса шагьрулул школарттал дуклаки оьрчIругу.
ЦIулачIавриву ливтIуцириннал аьпа абад бан шагьрулул халкьуннащал паркравун увкIун ия ДР-лул Халкьуннал Мажлисрал председатель Хизри Шихсаэдов, МахIачкъалаллал бакIчинал кIанайма Абусупиян ХIасанов ва цаймигу хIукуматрал къуллугъчитал.
Аьпа абад бан бувкIминнал гьайкалданул хьхьичI цала канихьсса майлул чирахъирттая «Кемерово – скорбим» тIисса махъру сакин бувна ва ца минутIрайсса пахъ багьуна.
Вара кьини Каспийскаллал халкьгу тIутIащал ва майлул чирахъирттащал Кемероваллал халкьуннащал дард кIидачIин 2002 шинал майрал 9-нний терактраву ливтIуминнан дирхьусса гьайкалданучIан бувккунни.
Укунссара акцияртту республикалул циняр муниципалитетирттайгу хьунни.
Мартрал 28-нний Ккуллал райондалул залдануву хьунни Кемерово шагьрулий хьусса цIу дагьаврийну бала-апатI ливксса инсантал дакIнин бичлачисса ва кьурчIишиву кIидачIлачIисса митинг.
Митинграй махъру лавхъунни Кемерово шагьрулул инсантуращал цивппагу бушиву ва дард кIидачIлай бушиву баян буллай, райондалул бакIчи Шамил Рамазановлул, райондалул Ветерантурал советрал председательнал Аьбдул Загьидиевлул, УО-лу каялувчи Альбина ХIаммакуевал ва цайминналгу.
Укунсса митингру хьунни Ккуллал райондалул циняв шяраваллавугу.
ХIадур бувссар
З. АьбдурахIмановал
ва ХI. ХIусайнов
