[dropcap]Ф[/dropcap]евральданул 27-нний «ЕГЭ дулаврил цасса кьини» тIисса акциялул лагрулий МахIачкъалаллал 39-мур школалий нитти-буттал ЕГЭ дуллунни.

[dropcap]М[/dropcap]иннащал архIал экзамен дуллунни Дагъусттаннайн бувкIсса АьФ-лул ду­ккаврил ва элмулул министрнал хъиривчу – дуккаврил ва элмулул бутIувусса надзорданул федерал къуллугърал каялувчи Сергей Кравцовлул, «Просвещение» тIисса издательствалул президент Владимир Удуннул, ва мукунма ДР-лул ХIукуматрал зампред – дуккаврил ва элмулул министр Уммупазил Оьмаровал, Жяматийсса ишккаккултрал ва журналистътурал.
Экзамен дия оьрус мазрал. Нитти-буттахъан дузал дурунни оьрчIал госэкзамен дулайни куннасса шартIру.
«Нитти-буттан цанна ккаркссар ЕГЭ дулайни миннал оьрчIан щаллу дан куннасса тагьар. Миннал чирчусса экзамендалул давуртту ххал дигьинтIиссар тестированиялул федерал центрданул даражалий», — увкунни ДР-лул дуккаврил ва элмулул министрнал хъиривчу Шир­аьли Аьлиевлул.
Журналистътуращалсса ихтилатраву Сергей Кравцовлул бувсунни гьашину ва акциялий циняв регионну гьуртту хьуну бушиву.

ХIадур бувссар ХI. Аьдиловлул