Аьрали балайрдал конкурс хьунни

[dropcap]Ц[/dropcap]Iуминалийсса ТIюхчардал школалий хьунни аьрали балайрдал райондалул конкурс. Конкурсрал мурад бия дуклаки оьрчIру Ватан ххирану тарбия баву, миннавусса гьунарду ялун личин баву.


Конкурс хьунни кIира номинациялий: аьрали балай ва аьрали инсценировка.
Цалчинмур номинациялул бяст-ччаллаву гьуртту хьунни райондалул цинявппагу школардал дуклаки оьрчIру. КIилчинмур номинациялий гьуртту хьунни ТIюхчардал ва ЦIуссалакрал школалул дуклаки оьрчIру. Мажлис тIитIлай, ихтилат бунни ЦIуссалакрал райондалул пионертурал къатлул директор Пакият Гаппаевал.

Цила ихтилатраву ванил кIицI лавгунни оьрчIру Ватан ххирану тарбия баву мурадрай школардай укунсса мероприятияртту ччя-ччяни дуллан аьркиншиву. Конкурс байбивхьунни ТIюхчардал школалул 4-мур классрал дуклаки оьрчIал хIадур бувсса хореографиялул композициялийну. Мюрщи артистътурал гьунардал хIайран бунни залдануву щябивкIми.

Хъирив дайдирхьунни аьрали балайрдал конкурс. Пахъ багьунни зал, кувннаяр кувннал асар хьунну тIий бия дуклаки оьрчIру аьрали балайрду, залдануву щябивкIминналгу иттав макь дукIлай дия.

ЗахIматсса аьрали шартIирдай укунсса балайрдалли жула аьралитуравун къучагъну талансса ва виричушивуртту дуллансса гьавас бутлай бивкIсса, ххувшаврийнсса вихшала ххи дуллай диркIсса.

Жюрилун ххуй бивзунни цинявппагу балайрду, барчаллагь увкунни оьрчIахьгу, ми хIадур був­сса каялувчитурахьгу.
КIилчинмур номинациялий гьуртту хьусса кIивагу школалул дуклаки оьрчIангу жюрилул лавайсса кьимат бивщунни. Ва номинациялий цалчинмур кIану бувгьунни ТIюхчардал школалул, кIилчинмур – ЦIуссалакрал гимназиялул.
Аьрали балайрдал номинациялий ТIюхчардал ва ЧIурттащиял школардал цалчинмур кIану бувгьунни.

КIилчинмур кIану бувгьунни ЦIуссаккуллал ва Чапаевкаллал кIилчинмур школалул, шамилчинмур – Гьамиящиял ва Аьхъардал школардал.
Ххув хьуминнан шадлугърал даражалий дуллунни хIурматрал грамотарду, рирщунни дакIний личIансса суратру.
Ахирданий Пакият МахIамма­довнал барчаллагь увкунни конкурс лавайсса даражалий тIайла дуккан цинярда шартIру дузал дурсса ва чялишсса гьурттушинна дурсса ТIюхчардал школалул директорнахь ва учительтурал коллективрахь.