Республикалул цIусса прокурорнал цIа рирщунни

[dropcap]Ф[/dropcap]евральданул 1-нний ДР-лул парламентрал спикер Хизри Шихсаидовлул каялувшиврий хьунни ДР-лул Халкьуннал Мажлисрал ярглий бакъасса 17-мур сессия. Микку ххал бигьлагьисса масъаларттава яла агьаммур бия республикалул цIусса прокурор итаву.

[dropcap]С[/dropcap]ессиялий Халкьуннал Мажлисрал депутатътурал кьамул бунни «ДР-лул прокурорнал къуллугърайнсса кандидатуралий рязи шаврил хIакъираву» тIисса хIукму.
Му масъала сессиялийн лавсунни Аьр­асатнал Генеральный прокурор хъиривчу Иван Сыдоруклул, мунал сессиялий ккаккан увунни цIуну итлатисса прокурор. ХIукму кьамул бан хьхьичI депутатътурал кIийлла дурккуну кьамул ду­нни «ДР-лий прокурорнал къуллугърай итансса кандидатуралий рязи шаврил низамрал хIакъираву» тIисса Закон. Му документрайн бувну, кандидатуралий рязи шаврин ккаллиссар, агарда му духьурча ДР-лул БакIчиная ва Халкьуннал Мажлисрая нанисса.
Халкьуннал мажлисрал кьамул бувсса хIукму тIайла буккантIиссар Аьрасатнал Генеральный прокурорнайн.
2015 шиная шинай уттинин Денис Попов зий ивкIссар Хакасия Республикалул прокурорну.

ХIадур бувссар
ХI. Аьдиловлул